Për të kryer regjistrimin e një emri domaini sipas “Rregullores së Administrimit të Emrave të Domaineve nën .al dhe nën domainet .com.al, .org.al, .gov.al, .edu.al, .mil.al dhe .net.al” proçedura që duhet të ndiqet është si në vijim:
 

    • Sipas Nenit 13, pika, 13.1 të “Rregullores” të drejtën për të rregjistruar një emër domain-i në zonen e “.al” dhe nën domain-et “com.al, .org.al dhe .net.al”, e kanë vetëm personat juridikë publik dhe privat, si dhe personat fizik tregtarë me rezidencë të aktivitetit tregtar në territorin e Rebublikës së Shqipërisë te regjistruar si të tillë sipas legjislacionit në fuqi për këtë qëllim”.
    • Kontrollohet nëse emri që kërkohet të regjistrohet është i zënë apo jo.
    • Sigurohemi që emri për të cilin aplikohet është konform me “Rregullat Sintaksore” të percaktuara në Nenin 20 të “Rregullores”, si më poshtë:
 
Emër domain-i është tërësia e një serie karakteresh alfanumerike që përfshin shkronjat nga A deri tek Z, numrat nga 0 deri tek 9 dhe shenjën minus “-”.
 
Nga pikpamja sintaksore nuk mund të regjistrohen emrat e domain-eve të mëposhtëm kur:
a)      Emrat përbëhen nga një karakter;
b)      Emrat përbëhen nga dy karaktere;
c)      Emrat fillojnë ose mbarojnë me minus “-”;
d)      Emrat përbëhen nga më shumë se 63 karaktere;
e)      Emrat fillojnë me dy karaktere alfanumerike të çfarëdoshme të pasuara nga dy minuse( formati “xy--”).
 
  1. Pasi te keni vendosur për Emrin e Domainit plotësoni formularin e Regjistrimit Model-1,  si në vijim:
 
a)      Shkarkoni formularin e Regjistrimit Model-1.  
b)      Plotësohet me gërma kapitale emri i domainit (percaktohet me kryq zona, si p.sh “.com.al” dhe më pas plotësohet me gërma kapitale, një shkronjë për cdo kuti emri i domainit)’.
c)      Plotësohen me gërma kapitale të gjitha fushat në lidhje detajet e “Përfituesit”.
d)      Plotësohen me gërma kapitale të gjitha fushat në lidhje me detajet e “Kontaktit Administrativ” kur ai është i ndryshëm nga “Perfituesi”, në të kundërt vendoset kryq në katrorin përkatës dhe vazhdohet me pikën 4.
e)      Plotësohen me gërma kapitale të gjitha fushat në lidhje me detajet e “Kontaktit Teknik” kur ai është i ndryshëm nga “Perfituesi”, në të kundërt vendoset kryq në katrorin përkatës dhe vazhdohet me pikën 5.
f)       Plotësohen me gërma kapitale të dhënat teknike.
Eshtë i detyrueshem plotesimi i të dhenave për 2 name-servera (primar dhe sekondar)!
g)      Plotësohen me gërma kapitale të gjitha fushat në lidhje me detajet e “Kontaktit për Likujdimin e Fatures” kur ai është i ndryshëm nga “Perfituesi”, në të kundërt vendoset kryq në katrorin përkatës dhe vazhdohet me pikën II.
h)      Plotësohet me gërma kapitale emër mbiemër i “Përfituesit”, Nënshkrimi, Vendi dhe Data.
 
  • Pregatitet dokumentacioni mbështetës sipas kërkesave të “Rregullores” për regjistimin e emrave të domaineve nën .gov.al, .mil.al dhe .edu.al. Dokumentat mbështetëse të kerkuara gjenden të sqaruara në nenet 14, 15, 16 dhe 17 të “Rregullores”.
     
  • Dërgohet aplikimi bashkë me dokumentat mbeshtetës me Fax: +355 4 259 106 ose me E-mail (të skanuara): “domain@akep.al”.
 
  • Pritet për një përjudhë 5 ditë pune që aplikimi të shqyrtohet nga “Autoriteti Përgjegjes” dhe të jepet një përgjigje.
a)      Në qoftë se përgjigjja është pozitive (Aplikimi juaj PRANOHET) mund të proçedohet me kryerjen e pagesës e cila është 2000 LEKE për 2 vjet  për emër domaini të regjistruar dhe bëhet në llogaritë bankare të AKEP prane Union Banke si në vijim:
 
i)      Në Lekë në nr. e llogarisë 111113869030117
ii)     Në USD në nr. e llogarisë 111113869030241
iii)    Në EURO në nr. e llogarisë 111113869030128
 
Sipas “Rregullores”, nga dita e marrjes së konfirmimit për kryerjen e pagesës aplikuesi ka 4 ditë kalendarike afat për të kryer pagesën për ndryshe aplikimi shpallet i pavlefshëm dhe aplikanti duhet të riaplikojë nga fillimi.
 
Pagesa për Regjistrim emër domaini rregullohet me VKM që mund ta gjeni të publikuar në faqen e AKEP, www.akep.al.
b)      Në qoftë se pergjigjja është negative (Aplikimi juaj RREZOHET) mund të riaplikoni duke ndjekur vërejtjet përkatese që ju bëhen nga personeli i “Autoritetit Përgjegjes”.
 
  • Regjistrimi i emrit të ri të domainit dhe dergimi i konfrimit tek “Përfituesi”, nga “Autoriteti Përgjegjës” bëhet në ditën që merret konfirmimi nga banka për kryerjen e pagesës. Gjithashtu bashkë me konfirmimin e kryerjes së regjistrimit dërgohet edhe informacioni që është marrë nga aplikuesi. Sipas “Rregullores” poseduesi i ri ka afat 15 ditë kalendarike për të bërë korigjimet përkatëse për gabimet ortografike që mund të jenë bërë në aplikim. Pas 15 ditësh regjistrimi quhet i mbyllur.